" Tra e camiane e i bassi passa i fossi de tutti
El soe batte sui sassi ze tutto pien de ruinassi
Cossa farò Joani? Cossa farò?
Iero so l'orto bearare i sucati
Do tonedae a tre boti me ga fato sigare
Sara e finestre ze qua el temporae
Dei dei,vaeà vaeà, Sara l'è qua!
Dei dei,vaeà vaeà, Sara l'è qua!
Ma Joani Joani, sarae e go sarae
Mi querdo a saeata e che e do gombine
Varda che l'è bruto Marrrria vergine
Dai vien dentro Joani -Joani l'è qua, Joani l'è qua!
Iero ndato uncò oto a tore el querto pal barco,
go tolto finto copo ghe go speso un boto,
o go invidà sui travi coe vide sui toeoni,
ma col dise de cavarlo no ghi né par nessuni
No go gnanca mai visto un affare cussì
Meti aposto Joani
Se te passi ae rubee,varda dentro pai fossi
Ghe ze legne che basta pa far fogo do ani
Cossa farò Joani? Cossa farò?
Ma Joani Joani, cori suitto vien qua
El ga rabaltà tutti i fruttari
El parea el demonio, sacramenton!!!
Varda quanti maeani.
Iero dentro al garage a copare i poeastri
Tempo do minuti el ga fatto disastri
Senti el can come chel sbaja
Ze un tempo canaja
Go vardà verso sera, na bufera de paja
Tutta a puenta par tera, eco fata a fortaja
Butto locio dentro a greppia
Vedo a testa dea bestia
E caponare dei cunici fulminae dai tralicci
Cossa zei sti tralicci? Pai dea luce! Pai dea luce!
Mestieri, trapei,rujame,forconi
Come fasso torli su Vo ciamare anca Tony
Amianto, querti, toeoni, copertoni
Come fasso torli su?
Vo ciamare anca Tony
Dai va ciamare Tony - el ga anca lu i so danni
Dai va ciamare Tony - ghe ze scampà anca i tori
Dai va ciamare Tony - che i vegni in do coi furgoni
Dai va ciamare Tony
Ma Joani Joani, Joani o so
O so che ze brutto e fadiga
Ghe ze anca a crisi, ma forse i me juta
Intanto spendi, Joani
Ma Joani Joani, Joani o so
O so che ze brutto e fadiga
Ghe ze anca a crisi, pa farla compia
Intanto spendi, Joani "
( joani 6/6/9 - los massadores )
Nessun commento:
Posta un commento